南法藝術村日記 - 幾乎被警察拉！

最近被當地傳媒訪問了三次，每次做完都累得要命，要飲紅酒食乾腸同去河邊散步補腦。但現在武漢肺炎，周圍都不許進入，連河邊都圍封，貼了告示，總之給警察見到就罰款。當然，法國政府說不准做法國人就一定會做，一樣有人穿過圍欄入河邊散步。

我剛剛做完訪問個腦快要爆，十分需要去河邊，點之入去無耐，真係見到不遠處有三個警察在唯一的出口。金翅大鑊鳥！

我於是轉身低頭面對夕陽和河水扮吟詩作對，站到就黎日落，但三隻嘢仲係度！我唯有低頭行黎行去扮思考。見到叢林後有條非常不顯眼的小路，移下移下一個唔覺鼠入小路，果然叢林後的鐵絲網給人開了個大洞，我立即鑽出去，沒入後面一個大貨倉，逃之夭夭。幸好以前跟過graffitti人周圍畫，比警察追，跑鐵路，翻鐵絲網、穿山洞、扮無辜，扮唔知，訓練有素。